- زجل
- (الدخان)
- غزال وشرب الدخان
- مش خايف م السرطان
- صدره ياناس مليان
- نيكوتين ويا القطران
- قلتله بلاها سجاير
- راحت أحلى ضفاير
- خسيت ياحلو كتير
- م الكحة وم التشخير
- تقع من (أوطى) سرير
- وماتجريش ربع الفدان
- غزال وشرب الدخان
- قالي عاوزني (أبطل)
- تعالى وديني المعمل
- (أحلل) ضغط وسكر
- سندني يمكن أقدر
- وإديني البوسة وكتر
- وهات لي من الرمان
- غزال وشرب الدخان
- قلتله أبدا ماأبوسك
- و (بقك) عيان بفلوسك
- خايف عليك ياحبيبي
- (أعالجك) وإنت طبيبي
- أصرف عليك من جيبي
- وأبيع حتى (الدكان)
- غزال وشرب الدخان
- وجات (التحاليل) سلبية
- وخايف المرة الجاية
- الحلو أبوخد وشامة
- مايسمع حتى (ملامة)
- يهجرني بألف سلامة
- ويشرب (شيشة) كمان
- غزال وشرب الدخان
- مش خايف م السرطاان
- ههههههههه
- زجل ونقد ساخرجدا
- لحربي علي
- شاعرالسويس
الأربعاء، 12 أبريل 2017
(الدخان) \\\\ لحربي علي
الاشتراك في:
تعليقات الرسالة (Atom)
ليست هناك تعليقات:
إرسال تعليق