- (حلمك الممنوع )
- وفى حلمك الممنوع
- ارسم شباب موجوع
- وبيبكى م الحيرة
- كان العلم مرفوع
- نزل العلم م الجوع
- واتفضت السيرة
- والحلوة بنت بنوت
- قالت بعلو الصوت
- يا بلادى يا كبيرة
- صبح الكلام مكبوت
- رخصت عشان القوت
- شربت كاسين بيرة
- والشيخ محمد كان
- فاتح هناك دكان
- بيبيع كيسين شيبسى
- راحت صبية جنان
- بتقوله باكو لبان
- وطى وما اتقامش
- ندهت وقالت قوم
- كان م الهموم مقسوم
- قالت خلاص همشى
- كل اللى باقى هدوم
- من حلمه كان محروم
- قرر ما يحلمش
- يا أم الحجاب إرهاب
- كل اللى واطى اتساب
- ومبهدلة دينك
- كل الحقيقة سراب
- حتى الخيال كداب
- ومضيعة سنينك
- امتى نفوق ونقوم
- ما كفاية غلب ونوم
- أكل العماص عينك
- الغلب مش مقسوم
- واللغز مش مفهوم
- مين اللى كارهينك ؟
- ففى حلمك الممنوع
- ارسم شبع م الجوع
- واسبق حدود حدك
- كل الحلال مشروع
- احلم بمية موضوع
- ما تعيشش على أدك
- لو قالوا حلم محال
- أو حلم صعب منال
- لازم يكون ردك
- يكفى أعيش فى خيال
- عمر الخيال ما اتزال
- مهما الزمان صدك
- #محمود_المزين
الأربعاء، 15 مارس 2017
حلمك الممنوع \\\\\\ #محمود_المزين
الاشتراك في:
تعليقات الرسالة (Atom)
ليست هناك تعليقات:
إرسال تعليق