- (إهداء إلى أمى )
- لساك بتكتب قصايد
- فى العشق و العشقانين
- طب كنت اكتب قصيدة
- فى اللى تعبتلك سنين
- ولا انت كده يا واد
- دايما بتمد لبره
- ونسيت اللى عشانك ضحت
- باحلى واغلى سنين
- فاكر يا واد زمان
- من خمستاشر عام
- ساعتها ابوك كان مات
- وكل الدنيا ضلام
- مين اللى وقف جنبك
- وكان عليك حزين
- ومين اللى مسحت دمعك
- ما ترد تقوللى مين ؟؟؟؟
- فاكر والله يا خال
- واوعى تقول انا نسيت
- ده انا انسى الدنيا بحالها
- ولا انسى ست البيت
- بس انت قوللى يا خال
- مين يوصفها مين
- مين اللى يوصف تعبها
- وسهرها ليا سنين
- ده المرض كان لما يصيبنى
- كنت اسمع صوتها أنين
- وتقوم من عز نومها
- تدعيلى وتقول آآمين
- عندك حق يا واد
- وانا اللى فاكرك نسيت
- عرفتى تربى يا فاطمة
- عرفتى يا ست البيت
- اوعى تقول يا خال
- ان النهارده ده عيد
- انا كل يوم بالاقيها
- جنبى بيبقى عيد
- بادعى يا رب تخليها
- وتعيشلى سنين وسنين
- واشوفها بعد مماتها
- مع خير المرسلين
- اهداء الى /
- <<<< امى >>>>>
- #محمود_المزين
الاثنين، 20 مارس 2017
(إهداء إلى أمى \\\\\\ #محمود_المزين
الاشتراك في:
تعليقات الرسالة (Atom)
ليست هناك تعليقات:
إرسال تعليق