- (رسالة من رمسيس )
- رسالة لكل أحفادى
- شباب النيل يا أولادى
- باقول أحيه
- بتقطعوا راسى كده عادى ؟
- بنيت تمثالى ع الفاضى
- فاضل فيه ايه ؟
- يا حال رمسيس يا متقندل
- بيغسلوا راسى بالجردل
- يا حوستى عليه
- هقع من طولى واتشندل
- وهلبس طرحة وهولول
- واقول يا اختييييييييه
- بحق العزة والهيبة
- وحق حضارتى من طيبة
- وحق آمون
- لخلى دموعكوا دى قريبة
- وتلطموا منى ع الخيبة
- هكون مجنون
- وبكره اللعنة هتصيبكم
- ومهما بعدتوا راح أجيبكم
- يا جيل ملعون
- سنين بابنيلكوا فى حضارة
- واصد الغارة والغارة
- وعليكوا باهون
- رسالة لكل اجيالكم
- قولوها لكل أحفادكم
- يا حبة سيس
- خلاص غضب الحليم جالكم
- هتبكوا سنين على حالكم
- يا شعب رخيص
- وهخلق فى النهار عتمة
- وهعمل فى الرياح كتمة
- هتبقى حبيس
- بعت رسالتى وباحذر
- وقدأعذر لمن أنذر
- أنا رمسيس
- #محمود_المزين
الثلاثاء، 14 مارس 2017
(رسالة من رمسيس ) \\\\ #محمود_المزين
الاشتراك في:
تعليقات الرسالة (Atom)
ليست هناك تعليقات:
إرسال تعليق