- اان الااوان
- كل واحد يخليه فى نفسه
- و ما لوش دعوة بالباقيين
- مش عارف انا
- هوا القتل بأه غية و لا ادمان
- و لا ايه بالظبط يا بنى ادمين
- المسيحيين خايفين
- من التكفيريين
- و السنة و الشيعة
- كعبتهم واحدة
- و كتابهم واحد
- و رسولهم واحد
- و بيضربوا فى بعض بقالهم سنين
- يجرى ايه يعنى
- لما كل واحد يبص لقدامه
- يبص لربنا
- و مالوش دعوة
- باللى على نفس الطريق ماشيين
- دا ربنا نفسه
- بيدى شمس و مطرة
- لغير المؤمنين
- و لو عملوا بالاسباب
- يديهم ثمرة و فرحة
- و رزق ليهم و للى حواليهم
- لأنهم سعوا ليه
- و لأنهم فى سعيهم للرزق
- بالنية صادقين
- انا مش عارف
- الناس دى بتفكر ازاى
- انا مش عارف ليه معتبرين
- ان ربنا وكلهم
- يتحكموا فى عقول
- و قلوب البنى ادمين
- هوا يعنى
- ربنا لو اراد
- مش ممكن يجيب عاليها واطيها
- فى لحظة
- و احنا مش داريانين
- و عملها قبل كدة فى الطوفان
- و الطوفان
- كلنا بيه مصدقين
- بس ما اظنيش
- يعملها دلوقت
- لأنه
- حتى الشيطان
- قال عليه
- انه من المنظرين
- و لأن البشر الحقيقة
- قايمين بالواجب
- بيقتلوا فى بعض بدون سبب
- و شغالين
- يا رب ارحمنا كلنا كلنا كلنا
- كل عبادك
- ان عارف ان رحمتك واسعة
- و سعها السما و الارض
- تكفى و تزيد
- الكون كله و كل البنى ادمين
- ارحمنا يا ارحم الراحمين
- عاوز اسمع كل الناس
- بصوت عالى
- بتقول امين
- الشاعر العجوز
- مرقص اقلاديوس
الأحد، 5 مارس 2017
اان الااوان \\\\\ مرقص اقلاديوس
الاشتراك في:
تعليقات الرسالة (Atom)
ليست هناك تعليقات:
إرسال تعليق