- علي شط البحر
- يابحر أنا جايلك
- أبوح من قلبي بأسراري
- أفضفض علي شطك
- أشكيلك همي وسوء حالي
- حبيبي وبحبه
- جاني لغاية باب داري
- شافني علي رملك
- وأنا بأداري حسني وجمالي
- كلم أبويا وأخويا
- وبقينا اسرة بنظرة وأهالي
- دفع مهري وراح
- خطبني من عمي وفرح ولاد خالي
- زماننا الحلو ذهب
- وعيشناه حقيقة مش خيالي
- بحار عايم ف بحرك
- سهران نهار وليالي
- يقلب ف رزقه
- مركبي راكب موجك العالي
- بعد عني وبيوحشني
- وأنا طالبة قربه من تاني
- صياد بشبكة
- شبك قلبي وشال همي وشغل بالي
- مشتقاله يا موج
- وأنا اللي كان قلبي خالي
- وعدني ووعده
- كان لحياتي وروحي ودلالي
- صورته ف عينيا
- بيقدم لي لآلئ بتلالي
- أصداف لإيدي ولرجلي حلية خلخال
- يا موجة شقية معدية
- بتداعبي مراكبي عليا غالي
- إبقي حني شوية وانتي بتجري
- لأجل ما يعلي هدي عليه و هدي
- صوتي ياموج ياتري
- وصلك وأنت سامعني؟
- بنادي عليه اصله
- قبل ما يسافر ما ودعني
- فضفض معايا ياموج إنت فاهمني؟
- وصل غرامي للي واحشني
- وأهمس لبسمته ترجع لي
- يا موج البحر إنت سامعني؟
- إياك تحرمني أو تلوعني
- بقالي ساعات علي شطك
- وروحي معاه دي فارقتني
- حبيبي بحبه وهو كمان حاببني
- ووعده لروحي ما يسبني
- أنا حياته وهو ضل لي
- يا نجمة ف العالي وشيفاني
- دليه علي شوقي ومكاني
- لبعده زادت شكوتي وبكاني
- ياتري ياموجة لسة سمعاني؟
- بقلمي عزة حزين
- Azza Hozayen
الأربعاء، 3 مايو 2017
علي شط البحر \\\\\ عزة حزين
الاشتراك في:
تعليقات الرسالة (Atom)
ليست هناك تعليقات:
إرسال تعليق