- لاشك ان مذبحة استاد بورسعيد ما هي إلا مؤامرة إخوانية قد أعدت بحنكة وغباء وهذا هو الاسلوب الاخوانى وقد انساق بعض الشباب وراء هذا المخطط بلا وعى أو ادراك
- فنحن لسنا محامين للدفاع
- ولا قضاة للحكم
- لذا
- لانملك الا الوقوف (دقيقة حداد) لشهداء هذة المذبحة سواء من
- جمهور الاهلى او جمهور المصرى
- فكلنا مصريون
- والدم المراق مصرى
- فلنقف
- دقيقه حداد
- ---------------
- دقيقة حداد يابلدنا
- دقيقة حداد
- دقيقة صمت مش محتاجة
- اى عتاب
- نُقفها بين ربوع لستاد
- نقفها فوق نجيل بلدى
- نخيل بلدى
- ونرفض اى توصيه
- لدمية مكتب الإرشاد
- دقيقه حداد
- دقيقه حداد
- -------------.
- دقيقه حداد
- لشهدا مذبحه لستاد
- ضحايا الغدر من سلطه
- بتفتعل ديماً الأزمات
- دقيقه حداد
- لجاني بس متخفي
- يسموه بأسم بلاك
- يسموه بالمليشيات
- يسموه بمليون اسم
- معدش يهمنا الأسماء
- إحنا وهبنا أروحنا
- لأحلام كانت طفوليه
- وبرصاصهم بقت اشلاء
- إحنا تامر الزحله
- إحنا احمد الدالى
- إحنا عبده المرسى
- إحنا هانى وسلامه
- إحنا كل شهيد فيكى
- هتف يامصر ياحره
- وبِهتافه
- وقع ومات
- وقع بغدر قناصة
- حثالة مكتب الإرشاد
- دقيقه حداد
- دقيقه حداد
- -----------.
- دقيقه حداد
- لقاضى خسر الميزان
- حكم احكام
- عشان يرضى بها الحكام
- وجه لمدينة الشهداء
- ونفذ فيها الإعدام
- وجه لحد ضباطهم
- واجل باقى الأحكام
- قولولى باى عدل يكون
- لما يطفف الميزان
- دقيقه حداد
- دقيقه حداد
- ----------------.
- دقيقه حداد
- لرفض حظر التجوال
- على أهل القنال الأبطال
- اللي ضحوا بأولادهم
- ضد الظلم والطغيان
- اللي هزموا جيوش كانت
- معاها عتاد
- معاها نيران
- اللي أتربوا بكرامه
- على الوطنية والوحدة
- وكره جماعه الإخوان
- دقيقه حداد
- دقيقه حداد
- -----------.
- دقيقه حداد
- بنرفض فيها اى قرار
- لحاكم فقد الشرعيه من الثوار
- لحاكم خط نهايته
- بدم الشهدا الاحرار
- لحاكم بينه وبين شعبه
- الف جدار
- لحاكم جه بشرعيه
- من الميدان
- وبرضه هيفقد السلطه
- فى الميدان
- ويسقط حكم الاخوان
- ويسقط حكم الاخوان
- دقيقه حداد
- دقيقه حداد
- ----------------
- شعر /محمد توفيق
الثلاثاء، 28 فبراير 2017
دقيقه حداد\\\\\محمد توفيق
الاشتراك في:
تعليقات الرسالة (Atom)
ليست هناك تعليقات:
إرسال تعليق